Գաղափարը
Համընդհանուր ընդունումը (Universal Acceptance) համաշխարհային շարժում է։ Նպատակն ազգային դոմենային հասցեների (IDNs) եւ դրանցով գործարկվող էլեկտրոնային փոստերի միջազգայնացումն (EAIs) է։
ՀԸ (UA) գաղափարը ծագել է ազգային դոմենները, օրինակ՝ .հայ, .中国 (Չինաստան), .срб (Սերբիա) կամ .ලංකා (Լանկա), ճանաչելի եւ կիրառելի դարձնելու անհրաժեշտությունից։ Շարժման նպատակը համացանցի բոլոր տիրույթներում տարբեր լեզուների տառատեսակների ճանաչումը, ընդունումն ու կիրառելիությունն ապահովելն է։
Իրականացումը
Խնդրի լուծման նպատակով Դոմենային անունների և IP հասցեների հատկացման ինտերնետ կորպորացիա՝ ICANN-ը, ոլորտի առաջատարներ Apple-ի, GoDaddy-ի, Google-ի, Microsoft-ի և Verisign-ի հետ ստեղծել է Համընդհանուր ընդունման կառավարման խումբ (UASG):
UASG-ն կոչված էր օգնել շահագրգիռ կողմերին իրենց համակարգերը վերափոխելու եւ համընդհանուր ընդունմանը պատրաստելու հարցում։
Մեկ տասնամյակի ընթացքում UASG-ն շարունակաբար ուսումնական ծրագրեր և այլ նյութեր է մշակել, որոնք օգնել են մասնագետներին թարմացնել համակարգերը՝ դոմենային անունների ու էլ. հասցեների համընդհանուր ընդունումն ապահովելու համար։
Այսուհետ՝ 2026 թվականից այդ խնդրի լուծումը կմշակվի ICANN-ի ռազմավարական ծրագրի շրջանակում՝ կորպորացիայի տարբեր համայնքների կողմից։
Համընդհանուր ընդունումը՝ Հայաստանում
Հայաստանը՝ ի դեմս «Ինտերնետ հանրություն» ՀԿ-ի, դարձել է Համընդհանուր ընդունում շարժման անդամ։ ՀԿ-ն ձեւավորել է աշխատանքային խումբ, որն արդեն սկսել է .հայ դոմենն աշխարհում ընդունելի դարձնելու քայլերը։
Աշխատանքային խումբը մշակել է նաեւ հայատառ էլ.հասցեների՝ անուն@էլ.փոստ.հայ համընդհանուր ընդունման տեխնիկական լուծումները։
2023-ի մարտի 28-ին աշխարհում առաջին անգամ նշվեց Համընդհանուր ընդունման օրը։ Հայաստանը եւս միացավ Համընդհանուր ընդունման համաշխարհային օրվան՝ տարածաշրջանային համաժողովով։
Երեւանում այդուհետ Համընդհանուր ընդունման առիթով կազմակերպվում են ամենամյա համաժողովներ։
Համընդհանուր ընդունման շարժման մասին
Գործընկերներ
